والدة نذير القطاري تعلن عن قرب عودة إبنها و سفيان الشورابي
أعلنت سنية رجب والدة نذير القطاري ان إبنها المفقود منذ 2014 في ليبيا رفقة زميله سفيان الشورابي سيعود قريبا.
و كتبت سنية رجب في تدوينة نشرتها عبر حسابها الرسمي بموقع التواصل الاجتماعي “فيسبوك” :
افرحي يما و في قبرك ارقدي و اتهني نذير الي مُتّـِي علي خاترو راجع لبلادو حرّ
افرح نضال و ارتاح خوك الوحيد جاي يوانس فيك يرجعلك فرحتك و يهنيك
افرح يا سامي و خلي راسك بوليدك عالي تتكي في الدنيا علي يمينك نذير و علي يسارك نضال
افرحوا يا جدو و خوالو و خالتو و عمتو و عمو يا اهلوا يا ناس يا اولاد عمو افرحو يا قفاصة يا توانسة يا عالم نذير جاي و معاه سفيان
افرحي يا سنية راجعلك نذير بعد ماكنتي امو وليتي ام تونس و شعبها و ام كل الدنيا راجعلك الغالي الي عليه تحديتي الواطي و العالي راجعلك نذير و قلبك بعد ما مات رجع يفرفت و يطير راجعلك الغالي الي بعت الدنيا علي خاترو ما يغلي عليه غالي.
