رؤوف ماهر: “إذا كان فنان دولي يحب يغني بالأصالة التونسية مستعد نعمل ديو معاه أما أنا باش نمشي غادي نعمل البوز أكيد لا ” (فيديو)
افتتح الفنان رؤوف ماهر، أمس الدورة 46 لمهرجان ليالي المهدية بحضور جماهيري غفير، في البرج الأثري بالجهة.
وأكد الفنان أثناء نقطة إعلامية أن الأجواء كانت رائعة في المهدية قائلا “حبيت نعطي أكثر ما عندي وشكرا للجمهور ان شاء الله نكون وفقت في إرضائهم”
وتابع رؤوف ماهر ” يوما ما الاعلام تعبني وألمني شوية لكن اليوم الوقفة متاعكم وجيّتكم عزيزة ونستني في برشا حاجات”.
وأضاف الفنان “انا تونسي للنخاع نحب بلادي شبر شبر كان نلقى نعطيها دمي.. اليوم اي بلاصة يستحقو فيها رؤوف باش نكون ديما معاهم وخاصة الأعمال الخيرية.”
وأكد رؤوف ماهر قائلا “اذا كان رؤوف في قرطاج فالفضل يرجع لمحبة الناس والمهرجانات الي بديت فيهم..والدعم المعنوي من الناس الي توقف معاك هذا اكبر مهرجان عندي في القلب، وفق تعبيره.
وفي سؤال حول إمكانية مشاركته الغناء مع أحد الفنانين الدوليين: قال الفنان رؤوف ماهر “اذا كان فنان يغني بالاصالة التونسية متاعنا مستعد نعمل معاه ديو ومرحبا بيه ويجي عندنا اما باش نمشي انا غادي على البوز أكيد لا وباش نبقى محافظ على ستيل متاعي في الغناء ”
واشار الفنان إلى أنه اختار عنوان صنديدة لعرضه في مهرجان قرطاج الدولي بسبب امتنانه للمرأة بصفة عامة ولوالدته وزوجته وابنته وقريباته بصفة خاصة.
وختم الفنان قوله ” محبة الناس أمانة وأنا نخدم ليكم والعقد صححتو مع ربي باش نقعد نخدم للناس هذهم”
